ՄԵՐ ՄԱՍԻՆ

Լիլիթ Աբովյան    
հետազոտող-օգնական

Բակալավրի և մագիստրոսի աստիճան ստացել եմ ԵՊՀ տնտեսագիտության ֆակուլտետում: Այժմ ասպիրանտ եմ նույն ֆակուլտետի  Միջազգային տնտեսական հարաբերությունների ամբիոնում:

 Լուսինե Ասլանյան 
սրբագրիչ, ոճաբան

Ավարտել եմ ԵՊՀ բանասիրական ֆակուլտետի հայոց լեզվի և գրականության բաժինը։ Ներկայում Մ. Աբեղյանի անվան ԳԱԱ գրականության ինստիտուտի ասպիրանտ եմ: Աշխատել եմ «Կապիտալ» օրաթերթում որպես սրբագրիչ:

Սարգիս Բուլղադարյան    
լուսանկարիչ, օպերատոր

Ավարտել եմ Երևանի թատրոնի և կինոյի պետական ինստիտուտի կինոօպերատորական բաժինը: Աշխատել եմ օպերատոր, օպերատորի օգնական: Օպերատորությունից զատ՝ հետաքրքրվում և զբաղվում եմ գեղարվեստական
լուսանկարչությամբ:

Սեդա Գրիգորյան       
ռեժիսոր

Ավարտել եմ Երևանի թատրոնի և կինոյի պետական ինստիտուտ` որպես դոկումենտալ ֆիլմերի ռեժիսոր: Մեկ տարի սովորել եմ ԱՄՆի Ֆլորիդայի նահանգային համալսարանի մեդիա արտադրության բաժնում: Աշխատել եմ մի քանի հայաստանյան մեդիա ստուդիաներում որպես լրագրող և հեռուստատեսային հաղորդումների ռեժիսոր: Մասնագիտական դեգերումներից հետո եկա «Սիվիլիթաս» հիմնադրամ, որտեղ ստեղծեցինք ՍիվիլՆեթը:

Ազատ Գևորգյան        
լուսանկարիչ, օպերատոր

Ավարտել եմ Երևանի թատրոնի և կինոյի պետական ինստիտուտի կինոօպերատորական ֆակուլտետը: Ծառայել եմ ՀՀ ՊՆ տեղեկատվության վարչությունում որպես «Զինուժ» հաղորդման օպերատոր: Աշխատել եմ «Մեդիա Սթայլ» ընկերությունում որպես Tert.am կայքի օպերատոր և մոնտաժող: 2011-ից աշխատում եմ ՍիվիլՆեթ կայքում որպես լուսանկարիչ և օպերատոր:  

Մանե Գևորգյան            
հաղորդակցության գծով պատասխանատու

2004-2005 թթ. FLEX փոխանակման ծրագրով ուսանել եմ ԱՄՆ-ի Արիզոնա նահանգի դպրոցի ավարտական դասարանում, այնուհետև ավարտել եմ ԵՊՀ քաղաքագիտության բաժինը: Սովորել եմ նաև Եվրոպական ուսումնասիրություններ կենտրոնում և ունեմ մագիստրոսի աստիճան: Եվրոպայի խորհրդի «Խաղաղության երիտասարդ դեսպաններ» ծրագրի մասնակից եմ: 

Հերմինե Դարբինյան   հետազոտական խմբի ղեկավար

Ավարտել եմ Ռուս-հայկական (Սլավոնական) համալսարանի համաշխարհային տնտեսագիտության ֆակուլտետը: Աշխատել եմ որպես մարքեթոլոգ-վերլուծաբան, բիզնես խորհրդատու «Ի-Վի Քոնսալթինգ» խորհրդատվական ընկերությունում, «Ջերմուկ Ինթերնեյշնլ. Պեպսի-Կոլա Բոթլեր Հայաստան» ընկերությունում, ինչպես նաև «Հարավարևելյան Եվրոպա» գերմանական ՀԿ-ում:

Մարիա Եղիազարյան 
լրագրող

Սովորել եմ Երևանի Վ. Բրյուսովի անվան պետական լեզվաբանական համալսարանի լեզվաբանություն և միջմշակութային հաղորդակցության ֆակուլտետի թարգմանչական բաժնում: Աշխատել եմ Dasaran.am կայքում:

Անի Լաթոյան    
վարչական օգնական

Ավարտել եմ Երևանի Վ. Բրյուսովի անվան պետական լեզվաբանական համալսարանի օտար լեզուների ֆակուլտետի անգլերեն-իսպաներեն բաժինը` ստանալով լեզվաբանության բակալավրի աստիճան: Այժմ սովորում եմ ՀՀ ԳԱԱ գիտակրթական միջազգային կենտրոնի շուկայաբանության ֆակուլտետում:

Սարգիս  Խանդանյան
լրագրող

Քաղաքագիտության բակալավրի աստիճան եմ ստացել ԵՊՀ միջազգային հարաբերությունների ֆակուլտետում: Աշխատել եմ Քաղաքական և սոցիոլոգիական հետազոտությունների ինստիտուտում (IPSC):  ՍիվիլՆեթում, լրագրությունից բացի, զբաղվում եմ հետազոտական աշխատանքով:

Ընդունվել եմ Լոնդոնի համալսարանական քոլեջի (UCL) թվային մարդաբանության բաժնի մագիստրատուրան և առաջիկայում պատրաստվում եմ մեկնել սովորելու:

ՍիվիլՆեթում մարմնավորում եմ ժողովրդին:

Սարգիս Խարազյան    
օպերատոր

Ավարտել եմ Երևանի ճարտարապետաշինարարական ինստիտուտի ճարտարապետության ֆակուլտետը (1999թ.): Աշխատել եմ Դադիվանք համալիրի վերակառուցման աշխատանքներին՝ որպես ճարտարապետ: Համագործակցել եմ «Ինտերնյուս» կազմակերպության հետ (1999-2011 թթ.): Աշխատել եմ Մոսկվայում 2007-2011 թթ.: Համագործակցել եմ Культура, НТВ, ДТВ, ОРТ  հեռուստաընկերությունների հետ: Բազմաթիվ վավերագրական և խաղարկային ֆիլմերի հեղինակ եմ, միջազգային մրցանակների դափնեկիր:

Գրիգոր Հակոբյան        
էջադրող, դիզայներ

Ավարտել եմ ԵՊՀ մաթեմատիկայի ֆակուլտետը։ Որպես գեղարվեստական խմբագիր աշխատել եմ «Պիոներ» հանդեսում, National Geographic Traveler Armenia հանդեսում և The Armenian Reporter շաբաթաթերթում: Մինչ այդ աշխատել եմ «Գինդ» տպագրատանը որպես նախատպագրական բաժնի ղեկավար:

 Կարեն Հարությունյան          
գլխավոր խմբագիր

Ավարտել եմ ԵՊՀ միջազգային հարաբերությունների ֆակուլտետը: Պատմական գիտությունների թեկնածու եմ: «Սիվիլիթաս» հիմնադրամում ներգրավվել եմ սկզբում որպես «Օրակարգ» թերթի գլխավոր խմբագիր, ապա՝ նաև ՍիվիլՆեթի գլխավոր խմբագիր:  Լրագրության ոլորտում եմ 2007-ից: Եղել եմ «Կապիտալ» բիզնես օրաթերթի և Tert.am լրատվական կայքերի գլխավոր խմբագիրը: Ավելի վաղ աշխատել եմ World Vision կազմակերպությունում` որպես գյուղական զարգացման ծրագրի ղեկավար և Կարմիր խաչի միջազգային կոմիտեի Ստեփանակերտի գրասենյակում՝ որպես հանրային կապերի պատասխանատու:

Սյուզաննա Հովհաննիսյան 
թարգմանիչ

Ավարտել եմ ԵՊՀ արևելագիտության ֆակուլտետի արաբագիտության բաժինը։ Արաբերեն լեզվի մասնագիտական վերապատրաստում եմ անցել Դամասկոսի և Կահիրեի ուսումնական հաստատություններում: Աշխատել եմ «Կապիտալ» բիզնես օրաթերթում:

Տաթև Հովհաննիսյան 
թարգմանիչ

Ավարտել եմ ԵՊՀ արևելագիտության ֆակուլտետի արաբագիտության բաժինը: Արաբերեն լեզվի մասնագիտական վերապատրաստում եմ անցել Դամասկոսի և Կահիրեի ուսումնական հաստատություններում: Որպես թարգմանիչ աշխատել եմ «Կապիտալ» բիզնես օրաթերթում, Շենգավիթի շրջանի նոտարական գրասենյակում։  

Մարիա Հովսեփյան     
լրագրող

Ավարտել են Ռուս-հայկական (Սլավոնական) համալսարանի  լրագրության բաժինը: Աշխատել եմ «Շողակաթ» հեռուստաընկերությունում, լուսաբանել եմ մշակույթի ոլորտը: Աշխատել եմ նաև Yerevan.ru կայքում որպես թարգմանիչ: Տիրապետում եմ անգլերեն և գերմաներեն լեզուներին:

 Տաթևիկ Ղազարյան             
լրագրող

Ավարտել եմ Ռուս-հայկական (Սլավոնական) համալսարանի ժուռնալիստիկայի ֆակուլտետի բակալավրիատը, ապա մագիստրատուրան: Լրագրողի աշխատանքն սկսել եմ թերթից, այնուհետև ուժերս փորձել եմ որպես ռադիոլրագրող: ՍիվիլՆեթում զբաղվում եմ հեռուստատեսային լրագրությամբ, ինչն ամենահարազատն է ինձ: Բացի լրագրությունից, զբաղվում եմ ռեժիսուրայով, ունեմ չորս հեղինակային ֆիլմ:

Արփի Մախսուդյան   
խմբագիր, հաղորդավար

Ավարտել եմ ԵՊՀ ժուռնալիստիկայի ֆակուլտետը: 2008-2011 թթ. աշխատել եմ «Կապիտալ» բիզնես օրաթերթում որպես քաղաքական լրագրող: ՍիվիլՆեթում հարցազրույցներ և քննարկումներ եմ վարում քաղաքական և հասարակական գործիչների հետ, համակարգում և խմբագրում եմ հասարակական-քաղաքական թեմաներով տեսանյութերը:

Ալբերտ Մանասերյան
ՏՏ հարցերով պատասխանատու

Ավարտել եմ Հայաստանի պետական ճարտարագիտական համալսարանի տեղեկատվական տեխնոլոգիաների ֆակուլտետի բակալավրիատը և ԵՊՀ տնտեսագիտության ֆակուլտետի մագիստրատուրան: Աշխատել եմ Հայաստանի Ազգային ժողովում ` որպես պատգամավորի օգնական: Ամերիկյան հումանիտար համալսարանում դասավանդում եմ «Մենեջմենթ» առարկան:

Հակոբ Մանուկյան              
ռեժիսոր
Ավարտել եմ  2011թ. Երևանի թատրոնի և կինոյի պետական ինստիտուտի վավերագրական ռեժիսուրայի բաժինը: Այժմ սովորում եմ նույն ինստիտուտի կինոարվեստ բաժնի մագիստրատուրայի առաջին կուրսում:

Սոնա Մարգարյան                   
հետազոտող-օգնական

Ավարտել եմ Կենտրոնական եվրոպական համալսարանը (Բուդապեշտ)` ստանալով քաղաքագիտության մագիստրոսի աստիճան, և Երևանի պետական համալսարանը` ստանալով միջազգային հարաբերությունների բակալավրի աստիճան: Նախագահել եմ Բուդապեշտում գտնվող Քաղաքագետ ուսանողների միջազգային ասոցիացիայի Կենտրոնական եվրոպական համալսարանի մասնաճյուղը, աշխատել եմ «Հայաստանի եվրոպական շարժում» ՀԿ-ում:

Ստելլա Մեհրաբեկյան                 
թարգմանիչ

Ավարտել եմ ԵՊՀ միջազգային հարաբերությունների ֆակուլտետի բակալավրիատը և մագիստրատուրան: Աշխատել եմ ՀՀ ԱԳՆ-ում, TACIS-ի e-Gov.AM ծրագրում և Քաղաքական և իրավական խորհրդատվության հայ-եվրոպական կենտրոնում (AEPLAC): Ուսումնասիրել եմ արաբերեն ու իտալերեն:

Լիլիթ Միքայելյան                  
լրագրող, թարգմանիչ

Ավարտել եմ ԵՊՀ արևելագիտության ֆակուլտետի արաբագիտության բաժինը։ Արաբերեն լեզվի մասնագիտական վերապատրաստում եմ անցել Դամասկոսի և Կահիրեի ուսումնական հաստատություններում: Աշխատել եմ «Կապիտալ» բիզնես օրաթերթում։  

Դիանա Մուրադովա  
սոցիալական և մշակութային թեմաների խմբագիր

Սովորում եմ ԵՊՀ սոցիոլոգիայի ֆակուլտետում: Global UGRAD ծրագրով մեկ տարի սովորել եմ ԱՄՆ-ի Մինեսոտայի համալսարանում: Որպես հարցազրուցավար աշխատել եմ Քաղաքական և սոցիոլոգիական խորհրդատվության ինստիտուտում (Institute for Political and Sociological Consulting, IPSC):

 Մարատ Յավրումյան  
գլխավոր խմբագրի տեղակալ

Ավարտել եմ ԵՊՀ արևելագիտության ֆակուլտետը, ապա՝ Բայրոյթի համալսարանի (Գերմանիա) գրականագիտության և լեզվաբանության ֆակուլտետը։ Մասնագիտությամբ արաբագետ-լեզվաբան եմ, բանասիրական գիտությունների թեկնածու (Dr. Phil.)։ Դասավանդում եմ ԵՊՀ արևելագիտության ֆակուլտետում: Լրագրության ոլորտում եմ 2007-ից, նախ՝ որպես «Կապիտալ» բիզնես օրաթերթի պատասխանատու խմբագիր, ապա՝ «Օրակարգ» տնտեսական օրաթերթի գլխավոր խմբագրի տեղակալ։

Անի Նավասարդյան
ծրագրի համակարգող
Ավարտել եմ ԵՊՀ ինֆորմատիկայի և կիրառական մաթեմատիկայի ֆակուլտետի բակալավրիատը: Մագիստրոսի աստիճան եմ ստացել ԵՊՀ տնտեսագիտության ֆակուլտետի մաթեմատիկական մոդելավորման ամբիոնում:

Նաիրի Նիկողոսյան   
հետազոտող-օգնական, անիմատոր

Ավարտել եմ Հայաստանի ամերիկյան համալսարանի «Անգլերեն լեզվի ուսուցումը որպես օտար լեզու» բաժինը:

Արմենակ Չատինյան  
տնտեսական մեկնաբան

Ավարտել եմ Հայաստանի գյուղատնտեսական ակադեմիայի տնտեսագիտության ֆակուլտետը։ Որպես լրագրող աշխատել եմ «Կապիտալ» բիզնես օրաթերթում, Tert.am, «Նոյյան տապան» և «Ռեգնում» լրատվական գործակալություններում: Լրագրության ոլորտում եմ 2002 թվականից:

Զարուհի Պողոսյան     
վարչական օգնական

Ավարտել եմ Երևանի Վ․ Բրյուսովի անվան լեզվաբանական համալսարանի քաղաքագիտության բաժնի բակալավրիատը և միջազգային հարաբերությունների բաժնի մագիստրատուրան: FLEX  ծրագրի 2005-2006 շրջանավարտ եմ, Երիտասարդ առաջնորդների դպրոցի տասներորդ սերնդի սան:

Լևոն Ջանփոլադյան   
հաղորդավար, լրագրող 

ՍիվիլՆեթում վարում եմ «Կանաչ լուրեր» էջը: Լրագրողական կրթությունս սկսել եմ Երևանում` Ռուս-Հայկական (Սլավոնական) համալսարանում, շարունակել ԱՄՆ-ի Միսիսիպիի համալսարանում, ապա ավարտել Մոսկվայի Մ. Լոմոնոսովի անվան պետական համալսարանը: Ընթացքում համագործակցել եմ այդ երկրների մի շարք լրատվամիջոցների հետ, որոնցից կցանկանայի առանձնացնել ամերիկյան FOX News հեռուստաընկերությունը` իր դինամիկ և պրոֆեսիոնալ աշխատաոճի համար:

Գայանե Սելիմյան                     
հաղորդավար, լրագրող

Ավարտել եմ Եվրոպական ակադեմիայի (Երևան) միջազգային հարաբերությունների ֆակուլտետը: Դպրոցն ավարտել եմ ԱՄՆ-ի Լուիզիանա նահանգի Փերլ Րիվեր քաղաքում: ՍիվիլՆեթում պատրաստում եմ քաղաքական թեմաներով ռեպորտաժներ, “Օրը” շարքը և վարում եմ “Քո գրպանից” շարքը: Եվրոպայի խորհրդի «Խաղաղության երիտասարդ դեսպաններ» ծրագրի մասնակից եմ: Աշխատել եմ «Առկա» լրատվական գործակալությունում որպես թարգմանիչ:

Արման Սուլեյմանյան
լրագրող

Ավարտել եմ Վրաստանի հանրային կապերի ինստիտուտը (Georgian Instutute of Public Affairs): Մասնագիտությամբ լրագրող եմ: Վերապատրաստվել եմ ռուսական «Ռեն-ՏՎ» հեռուստաընկերությունում: Մի շարք դոկումենտալ ֆիլմերի համահեղինակ եմ: ՍիվիլՆեթում պատրաստում եմ «Ազատամարդ» հաղորդաշարը: «Ազատամարդ» հաղորդաշարը նվիրված է հիմնականում պայքարող այն մարդկանց, ովքեր արդարություն են փնտրում պետական կառույցներում: Ցանկացած պահի պատրաստ եմ լուսաբանել այլ ֆորմատի իրադարձություն, որը վստահաբար չեք տեսնի այլ հեռուստաալիքի եթերում:

Լիլիկ Ստեփանյան              
խմբագիր

Ավարտել եմ Մոսկվայի պետական համալսարանի ժուռնալիստիկայի ֆակուլտետը: Եղել եմ «Շողակաթ» հեռուստաընկերության արտադրության տնօրեն, մամուլի աջակցության «Ինտերնյուս» ՀԿ-ի նորությունների բաժնի ղեկավար, պրոդյուսեր։ Ղեկավարել եմ Երևանի Վ. Բրյուսովի անվան լեզվաբանական համալսարանի Միջազգային լրագրության կենտրոնը, Հայաստանի հեռուստառադիոպետկոմում աշխատել եմ որպես հեղինակ, վարող, խմբագիր, բաժնի վարիչ: Բանասիրական գիտությունների թեկնածու եմ, լրագրության վարպետություն եմ դասավանդում ԵՊՀ-ում, իսկ Խ. Աբովյանի անվան մանկավարժական համալսարանում հեռուստալրագրողների կուրսի ղեկավար եմ:

Ժաննա Ուլիխանյան   հետազոտող-օգնական

Ավարտել եմ ԵՊՀ կիրառական մաթեմատիկայի ֆակուլտետի բակալավրիատը և ՀՀ պետական կառավարման ակադեմիայի ֆինանսների կառավարման գծով մագիստրատուրան:

Աննա Փափազյան               
օպերատոր

Ավարտել եմ Երևանի գեղարվեստի պետական ակադեմիայի համակարգչային գրաֆիկայի բաժինը: