Ղազախստանի բոլոր 14 հայկական համայնքներում այսօր անցկացվել են Հայոց ցեղասպանության զոհերի հիշատակին նվիրված միջոցառումներ: Ինչպես տեղեկացնում է ՀՀ արտգործնախարարության մամուլի ծառայությունը, Կարագանդա քաղաքի մոտ տեղակայված Սպասկի հուշահամալիրում գտնվող հայկական խաչքարին, Ալմաթիի հայկական «Լույս» կենտրոնի տարածքում ղազախստանցի հայերը պսակներով, ծաղիկներով և լռության րոպեով հարգել են Մեծ եղեռնի զոհերի հիշատակը: Սուրբ Կարապետ եկեղեցում անցկացվել է հոգեհանգստյան պատարագ:
Հիշատակի միջոցառումներ են կազմակերպվել նաև Աստանայում, Կոստանայում, Օզկեմենում, Շիմկենտում և Ղազախստանի այլ քաղաքներում:
