Թողարկվել է Chrome բրաուզերի iOS տարբերակը

Այսուհետ այն հնարավոր կլինի օգտագործել iPhone, iPad և iPod touch սարքերում

Google-ը թողարկել է Chrome բրաուզերի բջջային տարբերակը iOS օպերացիոն համակարգի համար, ինչը նշանակում է, որ այսուհետ iPhone, iPad և iPod touch սարքերում հնարավոր կլինի օգտագործել Chrome բրաուզերը: Այս մասին հաղորդում է The Verge տեխնոբլոգը:

Chrome-ն աշխատում է iOS 4.3 և ավելի բարձր տարբերակների հետ: Այն հնարավոր է ներբեռնել App Store օնլայն խանութից: Բրաուզերը հասանելի է 50 լեզվով:

Google ընկերությունը ներկայացրել է Chrome-ի iOS տարբերակը Սան Ֆրանցիսկոյում կայացած իր ամենամյա I/O խոշոր կոնֆերանսի ժամանակ:

Հիշեցնենք, որ ըստ վերջին տվյալների` Chrome բրաուզերն աշխարհում ունի 310 մլն օգտագործող: