Հաքերների հերթական զոհն է դարձել օգտատերերի տվյալների պահպանմամբ զմաբղվող Evernote օնլայն ծառայությունը, հաղորդում է Mashable-ը:
Ըստ ամենայնի` հաքերեները փորձել են ստանալ ծառայության տվյալների բոկանդակությունը: Նշենք, որ Evernote-ը հնարավորություն է տալիս օգտատերերին պահպանել ոչ միայն տեքստային հաղորդագրությունները, այլև ինտերնետի ամբողջական էջերը:
Հաքերային այս հարձակման հետևանքով Evernote-ը ստիպված է եղել «զրոյացնել» 50 մլն օգտատիրոջ գաղտնաբառերը: Ընկերության պաշտոնական հաղորդագրության համաձայն` հաքերային հարձակման հետևանքով ծառայության տվյալների արտահոսք տեղի չի ունեցել:
Հիշեցնենք, որ նախորդ ամիս հաքերային հարձակման էր ենթարկվել նաև Facebook սոցցանցը:
Հաքերները սոցցանցի 250 հազ. օգտատիրոջ անձնական տվյալների ստացման փորձ էին կատարել:
Ի տարբերություն Facebook-ի` Evernote-ի դեպքում հաքերները չեն օգտագործել Java-ի խոցելի կողմերը: Mashable-ի հաղորդմամբ` այս անգամ հարձակումն իրականացրել է հաքերային մեկ այլ խմբավորում: