Սեպտեմբերի 24-ին Ստեփանակերտի քաղաքապետարանի դիմաց «Դեմ ենք անհիմն թանկացումներին» նախաձեռնող խմբի մոտ 80 մասնակիցներ բողոքի ակցիա են կազմակերպել Ստեփանակերտում երութղայինների թանկացման դեմ: Հոկտեմբերի 1-ից քաղաքային տրանսպորտը թանկանալու է 40 տոկոսով՝ 70 դրամից դառնալով 100 դրամ:
Իրենց պահանջները ներկայացնելու համար ակցիայի մասնակիցների խնդրանքով քաղաքապետարանի բակ իջավ Ստեփանակերտի քաղաքապետ Սուրեն Գրիգորյանը: Նա առաջարկեց հարցը քննարկել քաղաքապետարանի նիստերի դահլիճում: Մասնակիցներից 20 հոգի լրագրողների հետ բարձրացան նիստերի դահլիճ: Քիչ անց Սուրեն Գրիգորյանը լրագրողներից պահանջեց լքել դահլիճը: Ակցիայի մասնակիցներն էլ որոշեցին իրենք էլ լրագրողների հետ լքել քաղաքապետարանի շենքը, քանի որ քննարկման հանրային լուսաբանում չի լինելու:
Նախաձեռնող խումբը հայտարարեց, որ բողոքի ակցիաները շարունակելու է:
Տրանսպորտի թանակցման դեմ բողոքի հերթական ակցիան սպասվում է սեպտեմբերի 25-ին, ժամը 15:00-ին:
Քնար Բաբայան, Ստեփանակերտ
