Civilnet
Ամերիկայի Միացյալ Նահանգների փոխնախագահ Ջեյ Դի Վենսը տիկնոջ՝ Ուշա Վենսի հետ երկօրյա պաշտոնական այցով ժամանել է Հայաստանի Հանրապետություն։
Երևանի «Զվարթնոց» օդանավակայանում ԱՄՆ փոխնախագահի գլխավորած պատվիրակությանը դիմավորել են Ազգային ժողովի նախագահ Ալեն Սիմոնյանը և Երևանի քաղաքապետ Տիգրան Ավինյանը։
Ջեյ Դի Վենսն օդանավակայանից ուղևորվել է ՀՀ նախագահական նստավայր, որտեղ տեղի կունենա ՀՀ վարչապետ Նիկոլ Փաշինյանի և ԱՄՆ փոխնախագահ Ջեյ Դի Վենսի հանդիպումը։
Կառավարությունից հայտնել են, որ հանդիպումից հետո Փաշինյանն ու Վենսը հանդես կգան հայտարարություններով:
ԱՄՆ փոխնախագահը Հայաստանում կլինի փետրվարի 9-10-ը։
Հայաստանի արտաքին գործերի փոխնախարար Վահան Կոստանյանը հայտնել է, որ ԱՄՆ փոխնախագահի այցի ընթացքում կլինեն զարգացումներ, որոնք էլ ավելի կխորացնեն Վաշինգտոնի հետ հարաբերությունները՝ թույլ տալով համագործակցության նոր ոլորտներ բացահայտել:
Ջեյ Դի Վենսի այցին ընդառաջ նախագահականի դիմաց տեղի է ունենում բողոքի ակցիա` Բաքվում ապօրինաբար պահվող հայ գերիների ազատ արձակման պահանջով։
Պատմություններ
