Սամվել Կարապետյանի տնային կալանքը երկարաձգվեց մեկ ամսով

Սամվել Կարապետյանի տնային կալանքը երկարաձգվեց ևս մեկ ամսով։ Այս մասին դատարանի բակում լրագրողների հետ զրույցում ասաց փաստաբան Արամ Վարդևանյանը։

«Այս դատական ակտով մենք ունենք իրավիճակ, որ այլևս «Ուժեղ Հայաստան» կուսակցության նախագահի կողմից ընտրական գործընթացի ամենապատասխանատու փուլի, հատկապես նախընտրական ցուցակների ձևավորման տեսանկյունից մենք ունենք լուրջ խնդիր։ Սա քաղաքական գործընթացի, հավասարության, արդարության, մրցակցության ապահովման տեսանկյունից լրջագույն խնդիր է»,- ասաց Վարդևանյանը։

Մարտի 13-ին ժամը 12։00-ից Հակակոռուպցիոն դատարանում ընթանում էր Սամվել Կարապետյանի կալանքը երկարաձգելու մասին քննությունը։ ժամը 15։30-ից Հակակոռուպցիոն դատարանի առջև ի աջակցություն Սամվել Կարապետյանի բազմաթիվ մարդիկ էին հավաքվել։ Մինչ այդ նրանք քաղաքի մի շարք հատվածներում ակցիաներ են իրականացրել։

․․․

2025-ի հունիսի 17-ին Սամվել Կարապետյանի տանը խուզարկություն իրականացվեց այն բանից հետո, երբ նա հրապարակավ աջակցություն հայտնեց Հայ առաքելական եկեղեցուն: Նա կալանավորվեց հունիսի 18-ին։ Դեկտեմբերի 30-ին դատարանը փոխեց գործարարի խափանման միջոցը, և բանտային կալանքը փոխարինվեց տնային կալանքով, 4 մլրդ դրամ գրավով և այլ սահմանափակումներով:

Սամվել Կարապետյանը «Ուժեղ Հայաստան» կուսակցության վարչապետի թեկնածուն է՝ 2026-ի խորհրդարանական ընտրություններում։