Civilnet
«Մենք Հայաստանին միայնակ չենք թողնի արտաքին միջամտությունների դեմ դիմակայելու հարցում»․ ԵՄ արտաքին գործերի և անվտանգության հարցերով բարձր ներկայացուցիչ Կայա Կալասը մարտի 16-ին արտաքին գործերի խորհրդի մամուլի ասուլիսի բացման խոսքում հիշատակեց նաև Հայաստանի առաջիկա ընտրությունները՝ վերահաստատելով, որ Հայաստանի խնդրանքով առաջիկա ընտրություններին առկա սպառնալիքներին հակազդելու նպատակով հիբրիդային արագ արձագանքման թիմ կուղարկվի։
«Մեր հարևանությունում ժողովրդավարական կայունության աջակցությունը շարունակում է մնալ առանցքային առաջնահերթություն։ Ժողովրդավարությունները կարող են ապավինել Եվրոպային»,- նշեց նա։
Արտաքին գործերի խորհրդի հիմնական թեմաները Մերձավոր Արևելքում և Ուկրաինայում պատերազմներն են։ Նախարարներին է միացել նաև Հնդկաստանի արտաքին գործերի նախարար Սուբրամանյամ Ջայշանքարը՝ երկկողմ հարաբերությունների վերաբերյալ ոչ պաշտոնական քննարկման համար։
Լուսինե Վարդանյան, Բրյուսել
Պատմություններ
