Civilnet
Հարավային Կովկասը կարևոր է ՆԱՏՕ-ի անվտանգության համար, հատկապես Ուկրաինայի դեմ Ռուսաստանի պատերազմի ազդեցության համատեքստում։ Այս մասին ասված է ՆԱՏՕ-ի տարեկան զեկույցում։
Զեկույցում կառույցն առաջընթաց է արձանագրել Հայաստանի և Ադրբեջանի միջև խաղաղության հաստատման հարցում և ընդգծել ԱՄՆ-ի շարունակական ներդրումը բանակցություններում։
Օգոստոսին խաղաղության պայմանագրի նախաստորագրումը որակվել է որպես կարևոր քայլ հարաբերությունների կարգավորման ու տարածաշրջանային անվտանգության ուղղությամբ, և ՆԱՏՕ-ն պատրաստակամություն է հայտնել խորացնել երկխոսությունն ու համագործակցությունը երկու երկրների հետ։
Վրաստանի պարագայում դաշնակիցները վերանայել են համագործակցության առաջնահերթությունները՝ հաշվի առնելով 2024-ի խորհրդարանական ընտրություններն ու դրանց հետևանքները։
Մասնավորապես, փոփոխվել են «ՆԱՏՕ-Վրաստան էական փաթեթի» որոշ տարրեր։ Միևնույն ժամանակ, Վրաստանի պաշտպանության ուժերի հետ համագործակցությունն ընթացել է բնականոն հունով, այդ թվում՝ մայիսին անցկացված համատեղ զորավարժությունների շրջանակում։ Թբիլիսիում ՆԱՏՕ-ի կապի գրասենյակը շարունակել է ակտիվ աշխատանքը Հարավային Կովկասի բոլոր երեք գործընկերների հետ։
Պատմություններ
