Անկախ Հայաստանը 100 տոկոսով նույնական է Խորհրդային Հայաստանին․ Փաշինյան

Երևանը որոշել է «չշարունակել ղարաբաղյան շարժումը»։ Նման պնդում է արել վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հետ բանակցությունների ժամանակ։ Փաշինյանը նաև հայտարարել է, որ Հայաստանն ու Ադրբեջանը «փոխադարձաբար ընդունել են, որ անկախ Հայաստանը 100 տոկոսով նույնական է Խորհրդային Հայաստանին», իսկ անկախ Ադրբեջանը՝ Խորհրդային Ադրբեջանին։

«Մենք ճանաչել ենք միմյանց տարածքային ամբողջականությունը, քաղաքական անկախությունն ու ինքնիշխանությունը 1991 թվականի Ալմա-Աթայի հռակագրի հիման վրա»,- ասել է Հայաստանի վարչապետը։