Ինչ է հայտնի Արթուր Ավանեսյանի գործի մասին. իրավապահների պարզաբանումը

Հակակոռուպցիոն կոմիտեն և Ազգային անվտանգության ծառայությունը համատեղ գործողությունների արդյունքում ձերբակալել են «Ուժեղ Հայաստան» կուսակցության անդամ, հետախույզ Արթուր Ավանեսյանին: Ըստ պաշտոնական հաղորդագրության՝ Ավանեսյանը, ով հայտնի է Կանդազ անունով, կասկածվում է 2026 թվականի հունիսի 7-ին կայանալիք Ազգային ժողովի ընտրություններին ընտրակաշառք խոստանալու մեջ:

Իրավապահ մարմինների տվյալներով՝ կուսակցության համակիրը քաղաքացիներին խոստացել է աշխատանքի ընդունել կամ այլ օգուտներ տրամադրել՝ իրենց օգտին քվեարկելու դիմաց: Փաստական տվյալներ են ստացվել այն մասին, որ նմանատիպ խոստումներն ընդունվել են մի շարք ընտրողների կողմից: Դեպքի առթիվ նախաձեռնվել է քրեական վարույթ, որի շրջանակներում հանրային քրեական հետապնդում է հարուցվել չորս անձի նկատմամբ: Բոլոր չորս անձինք էլ ձերբակալվել են:

Կատարվածին արձագանքել է նաև «Ուժեղ Հայաստան» կուսակցության առաջնորդ Նարեկ Կարապետյանը: Նրա պնդմամբ՝ Արթուր Ավանեսյանին ձերբակալել են հողն ու տունը վերադարձնելու և նոր աշխատատեղեր ստեղծելու մասին նրա հայտարարությունների համար: