50-ից ավելի հասցեներում խուզարկություններ են իրականացվում․ ՔԿ

Փողերի լվացման գործով 50-ից ավելի հասցեներում խուզարկություններ են իրականացվում։ Այս մասին ֆեյսբուքյան իր էջում գրել է Քննչական կոմիտեի մամուլի խոսնակ Կիմա Ավդալյանը։

«Բազմաթիվ անձանց նյութապես շահագրգռելու և առանձնապես խոշոր չափերով փողերի լվացման դեպքի առթիվ նախաձեռնված քրեական վարույթի նախաքննության ընթացքում 50-ից ավելի հասցեներում իրականացվում են խուզարկություններ»,- գրել է Ավդալյանը:  

Հայաստանի խորհրդարանական ընտրությունների նախաշեմին իրավապահները զանգվածային խուզարկություններ ու ձերբակալություններ են իրականացնում ընտրակաշառքի գործերով։ Գործողությունների հիմնական թիրախը «Բարգավաճ Հայաստան» և «Ուժեղ Հայաստան» կուսակցությունների երևանյան ու մարզային գրասենյակներն են և ակտիվիստների բնակարանները։ 

Ըստ վարույթների՝ հարուցված տասնյակ քրեական գործեր ու ձերբակալվածներ կան։