Բագրատ սրբազանի խափանման միջոցը փոխվեց տնային կալանքի

Բագրատ արքեպիսկոպոս Գալստանյանի խափանման միջոց կալանքը փոխվեց տնային կալանքի։ Նոր խափանման միջոցը կկիրառվի 2 ամիս ժամկետով։ Բագրատ սրբազանին այդ ընթացքում արգելվում է շփվել «Սրբազան պայքարի» գործով անցող մյուս մեղարյալների հետ։ 

Գալստանյանի կալանքը վերջին անգամ երկարաձգվել էր ապրիլին` 2 ամսով։

«Սրբազան շարժման» առաջնորդ Բագրատ արքեպիսկոպոս Գալստանյանը կալանավորվել է 2025-ի հունիսին։ Գալստանյանը մեղադրվում է ահաբեկչություն նախապատրաստելու, զանգվածային անկարգություններ հրահրելու մեջ։

Հունիսի 24-ին մերձիշխանական լրատվամիջոցներից մեկը հրապարակել էր «հեղաշրջման պլան», որը, ըստ լրատվամիջոցի, ներկայացնում էր գործողությունների փուլային ծրագիր, ռեսուրսների և գործող անձանց հաշվագրում։