Հուլիսի կեսերին կառավարությունը որոշում կընդունի «Հայաստանի էլեկտրական ցանցեր» (ՀԷՑ) ընկերությունը հանրության գերակա շահ ճանաչելու վերաբերյալ։ Նման հայտարարություն արեց լրագրողների հետ զրույցում ՀԷՑ ժամանակավոր կառավարիչ Ռոմանոս Պետրոսյանը հունիսի 29-ին՝ «Քաղաքացիական պայմանագիր» կուսակցության նիստից առաջ, որի ընթացքում պետք է ընտրվի ԱԺ փոխնախագահի թեկնածուն։
Նրա խոսքով՝ այդ որոշմանը կհաջորդեն շուկայական արժեքի գնահատումն ու փոխհատուցումը։
Նա չբացառեց, որ ընկերությունը գուցե հանձնվի կոնցեսիոն կառավարման, և կոնցեսիոները նաև ներդրումներ իրականացնի այնտեղ։
***
ՀԷՑ-ի շուրջ վեճը սկսվեց այն բանից հետո, երբ Սամվել Կարապետյանը 2025-ի հունիսի կեսերին հրապարակայնորեն պաշտպանեց Հայ առաքելական եկեղեցուն և Ամենայն Հայոց Կաթողիկոս Գարեգին Բ-ին, որին վարչապետ Նիկոլ Փաշինյանը ցանկանում է գահընկեց անել։ Իր հայտարարությունից կարճ ժամանակ անց Սամվել Կարապետյանը կալանավորվեց, նրան մեղադրանք ներկայացվեց իշխանության բռնազավթման հրապարակային կոչեր անելու մեջ։ Դրանից օրեր անց կառավարությունը նախաձեռնեց ՀԷՑ-ի պետականացմանն ուղղված օրենսդրական գործընթաց և ստանձնեց ընկերության կառավարումը։
Հուլիսի 22-ին Ստոկհոլմի արտակարգ արբիտրը որոշեց կասեցնել ՀԷՑ-ի ազգայնացմանն ուղղված քայլերը՝ արգելելով ընկերության կառավարման փոփոխությունները, նոր տնօրենների նշանակումները և այլ միջամտությունները։
Միաժամանակ, Հայաստանի կառավարությունը, այդ թվում վարչապետ Փաշինյանը, շարունակաբար հայտարարում են, թե ՀԷՑ-ի նկատմամբ քայլերն ուղղված են էլեկտրամատակարարման որակի բարելավմանը։ Փաշինյանը ակնարկել է, որ ՀԷՑ-ի կառավարման իրավունքը հնարավոր է փոխանցվի մասնավոր օպերատորին, ինչպես դա արվել է օրինակ ջրամատակարարման ոլորտում։
Պատմություններ
