Շիրակի մարզպետ Դավիթ Առուշանյանը հայտարարել է, որ հրաժարվել է ՀՀ Ազգային ժողովի պատգամավորի մանդատից և շարունակելու է պաշտոնավարել որպես Շիրակի մարզպետ։
«Ինձ համար պետական ծառայությունը պատասխանատվություն է մարդկանց հանդեպ։ Այդ պատասխանատվությամբ էլ շարունակելու եմ առավել մեծ հաստատակամությամբ, հետևողականությամբ և վճռականությամբ աշխատել՝ հանուն Շիրակի զարգացման, նոր ծրագրերի իրականացման, ենթակառուցվածքների բարելավման և մեր մարզի ու սիրելի Գյումրու առաջընթացի»,- գրել է նա։
Առուշանյանը նաև շնորհակալություն է հայտնել Շիրակի մարզի բնակիչներին աջակցության և համագործակցության համար։
Հուլիսի 9-ին ԱԺ Տարածաշրջանային և եվրասիական ինտեգրման հարցերի մշտական հանձնաժողովի նախագահ Վաղարշակ Հակոբյանը ևս հայտնել էր, որ հրաժարվում է պատգամավորի մանդատից։
Պատմություններ
