Մուսաների տաճար և ոչ թանկարժեք իրերի դամբարան. Rambalkoshe-ի նոր նախագիծը

Rambalkoshe-ի արվեստագետների համայնքին ծանոթ ենք Արղության 9 հասցեի առանձնատնից։ Այն դուրս է գալիս տարածքային սահմանափակումներից՝ հանգրվանելով Երևանի պատմամշակութային տարբեր շենքերում։ Մինչև օգոստոսի 9-ը Գրականության և արվեստի թանգարանի և Rambalkoshe-ի համագործակցությամբ Museum նախագիծը իր տարբեր ցուցադրություններով լինելու է Հանրապետության 32 հասցեում, որտեղ բացվելու է իրանահայ նկարիչ Մարկոս Գրիգորյանի մշտական թանգարանը։ Իսկ Rambalkoshe-ն շարունակելու է ստեղծագործել՝ շարժվելով ու առաջադասելով գաղափարը տարածքին։