Ավետիք Չալաբյանն ազատ է արձակվել դատարանի դահլիճից

«ՀայաՔվե» նախաձեռնության համակարգող Ավետիք Չալաբյանի կալանքը վերացվել է։ Օգոստոսի 21-ին դատարանը որոշել է ազատ արձակել Չալաբյանին՝ մերժելով դատախազի միջնորդությունը՝ երկարաձգել նրա խափանման միջոց կալանքը։ Դատավոր Դավիթ Բալայանը հիմքեր չի տեսել կալանքը երկարացնելու համար։

Դատավորը նաև որոշել է կալանքը փոխարինող այլ խափանման միջոց ևս չկիրառել։

Ավետիք Չալաբյանը կալանավորվել էր հունիսին՝ երկու ամսով։

Ըստ Քննչական կոմիտեի՝ Չալաբյանն օտարերկրյա պաշտոնյաների հետ համաձայնության է եկել, որպեսզի տվյալ երկրի հայ աշխատակիցներին ստիպեն գալ Հայաստան և քվեարկել «Ուժեղ Հայաստան» դաշինքի օգտին։