Վարչապետ Նիկոլ Փաշինյանը և 7-րդ գումարման ԱԺ-ի «Իմ քայլը» խմբակցության նախկին պատգամավոր Սոֆիա Հովսեփյանը միմյանց դատի են տվել հրապարակային հայտարարությունների համար։
Փաշինյանը Հովսեփյանից պահանջում է հրապարակայնորեն ներողություն խնդրել և հերքել իր հասցեին հնչեցված՝ զրպարտություն համարվող տեղեկությունները և ընդհանուր առմամբ 6 մլն դրամ փոխհատուցում վճարել։
Փաշինյանի հայցը վերաբերում է հունիսի 9-ին «Հրապարակ» կայքում ևդրա ֆեյսբուքյան էջում հրապարակված՝ Սոֆիա Հովսեփյանի հայտարարություններին։ Դրանց թվում են Փաշինյանին «տականք» անվանող և ընտրությունների արդյունքները նրա կողմից «նկարելու» մասին հայտարարությունները։
Սոֆիա Հովսեփյանն իր հերթին դատի է տվել վարչապետին։ Պատճառը Փաշինյանի՝ հունիսի 11-ին արած հայտարարությունն է, երբ նա կարծիք էր հայտնել, որ ընդդիմության բոլոր ընտրողները, առանց բացառության, ընտրել են ընտրակաշառքով, իսկ «Քաղաքացիական պայմանագիր» կուսակցության ստացած ձայներն օրգանիկ են։
Հովսեփյանի հայցադիմումը դատարան է մուտքագրվել 2026-ի հուլիսի 14-ին։ Նիստը նշանակվել է սեպտեմբերի 2-ին։ Հայցով Հովսեփյանը պահանջում է Փաշինյանին պարտավորեցնել հրապարակայնորեն հերքել իր պատիվը, արժանապատվությունը և բարի համբավը արատավորող, իրականությանը չհամապատասխանող տվյալները։
Պատմություններ
