Այս շաբաթ Հայաստանի տարածքում սպասվում է համեմատաբար խաղաղ եղանակ, ինչը պայմանավորված է անտիցիկլոնային դաշտի ազդեցությամբ։ Այս մասին հայտնել է «Հիդրոօդերևութաբանության և մոնիթորինգի կենտրոնի» տնօրենի տեղակալ Գագիկ Սուրենյանը։
Սեպտեմբերի 7-ին՝ հետկեսօրյա ժամերին, ամպրոպային բնույթի կարճատև անձրևներ կդիտվեն միայն Լոռու, Տավուշի, Գեղարքունիքի և Սյունիքի մարզերում։ Սեպտեմբերի 8-ից 13-ն ընկած ժամանակահատվածում հանրապետության ողջ տարածքում կհաստատվի առանց տեղումների եղանակ։
Օդի ջերմաստիճանը սեպտեմբերի 7-ի լույս 8-ի գիշերը և սեպտեմբերի 8-ի ցերեկը երկրի ողջ տարածքում կնվազի 4-6 աստիճանով։ Սակայն սեպտեմբերի 10-ից արևադարձային շրջաններից տաք օդային հոսանքների ներթափանցման արդյունքում ջերմաստիճանը սեպտեմբերի 10-ից 12-ն ընկած հատվածում աստիճանաբար կբարձրանա 4-6 աստիճանով։
Պատմություններ
