Կառավարությունը արտոնություն կտա «Ջերմուկ գրուպ»-ին

Կառավարությունը սեպտեմբերի 24-ի նիստում ավելի քան 270 միլիոն դրամի արտոնություն կտա ռուսական սահմանափակումների տակ գտնվող «Ջերմուկ գրուպին»: Ընկերությունը պատկանում է Հանրապետական նախկին պատգամավոր Աշոտ Արսենյանին, որի որդին այժմ Վայոց ձորի մարզպետն է:

Ըստ Կառավարության հիմնավորման՝ ընկերությունը նախատեսում է ներմուծել 215 մլն դրամի սարքավորումներ և 656․9 մլն դրամի հումքի լրացուցիչ խմբաքանակ։ Իրականացվող լրացումների արդյունքում ապրանքների ընդհանուր արժեքը կկազմի 4․3 մլրդ դրամ։

Ընդհանուր արժեքի մաքսատուրքից ազատման արտոնությունը գնահատվում է 270․7 մլն դրամ:Հիմնավորման մեջ նաև նշվում է, որ արտոնության առկայությունը լուրջ խթան կհանդիսանա նոր ներդրումային ծրագրերի իրականացման և որպես հետևանք նոր աշխատատեղերի ստեղծման, ներդրումների ներգրավման, տեղական արտադրության և արտահանման խթանման համար: