Նյու Յորքում քննարկվել են Արցախից տեղահանվածների երկարաժամկետ ինտեգրմանն ուղղված ծրագրերը

Նյու Յորքում ՄԱԿ-ի Փախստականների հարցերով գերագույն հանձնակատարի հետ հանդիպմանն արտգործնախարար Արարատ Միրզոյանը քննարկել է Արցախից տեղահանված փախստականների երկարաժամկետ ինտեգրմանն ուղղված ծրագրերը, հայտնում են նախարարությունից:

«Սեպտեմբերի 25-ին Նյու Յորքում արտաքին գործերի և միջազգային առևտրի նախարար Արարատ Միրզոյանը հանդիպում է ունեցել ՄԱԿ-ի Փախստականների հարցերով գերագույն հանձնակատար Բարհամ Սալիհի հետ։

Քննարկվել են Փախստականների հարցերով գերագույն հանձնակատարի մանդատի մեջ մտնող հարցերի շրջանակներում փոխգործակցությունը:

Անդրադարձ է կատարվել Ղարաբաղից տեղահանված փախստականների երկարաժամկետ ինտեգրմանն ուղղված ծրագրերին»,- ասված է հաղորդագրության մեջ։

Միրզոյանն ու Սալիհը մտքեր են փոխանակվել տարածաշրջանային իրողությունների շուրջ: