Մասիսի քաղաքապետի՝ Քաղաքացիական Պայմանագրի թեկնածուի կողմից բարեգործության արգելքը խախտելու հանցագործության դեպքի առթիվ Հակակոռուպցիոն կոմիտեն քրեական վարույթ է նախաձեռնել։
Հակակոռուպցիոնից հայտնում են, որ վարույթը նախաձեռնվել է հանրաքվեի կամ ընտրության ժամանակ բարեգործության արգելքը խախտելու հատկանիշներով։ Դեպքի առթիվ կատարվում է նախաքննություն։
Վերջերս համացանցում տեսանյութ էր հրապարակվել, որում Մասիսի համայնքապետի ՔՊ-ական թեկնածու Հովհաննես Հակոբյանը փոքր տղային հեռախոս է խոստանում, որից հետո ներկաները տղային հորդորում են երգով շնորհակալություն հայտնել թեկնածուին, իսկ երեխան կոչ է անում ընտրել նրան։
Հովհաննես Հակոբյանը հայտարարել է, որ հեռախոսը երեխային կնվիրի ընտրություններից հետո՝ պնդելով, որ նախընտրական փուլը դեռ չի սկսվել, իսկ երեխան ընտրելու իրավունք չունի։
Պատմություններ
