«Մոբայլ Սենթր»-ը հունվար-սեպտեմբերի խոշորագույն հարկ վճարողն է

«Մոբայլ Սենթր Արթ»-ը 2026-ի հունվար-սեպտեմբերին Հայաստանի խոշորագույն հարկ վճարողն է։ Ընկերությունը պետական բյուջե է վճարել 64,3 միլիարդ դրամ հարկ և վճար։

Պետական եկամուտների կոմիտեի հրապարակած առաջին 1000 խոշոր հարկ վճարողների ցանկում երկրորդ տեղում «Զանգեզուրի պղնձամոլիբդենային կոմբինատն» է՝ 60,8 միլիարդ դրամ վճարմամբ։ Երրորդը «Գրանդ Տոբակո»-ն է՝ 46,2 միլիարդ դրամ։

Առաջին տասնյակում են նաև «Գազպրոմ Արմենիան», «Արդշինբանկը», «Ամերիաբանկը», «Սոֆթ Կոնստրակտը», «Դիջիթեյնը», «Ֆիլիպ Մորրիս Արմենիան» և «Ինտերնեյշնլ Մասիս Տաբակը»։

ՊԵԿ-ի տվյալներով՝ առաջին 1000 խոշոր հարկ վճարողները 2026 թվականի առաջին ինը ամիսներին պետական բյուջե են վճարել ընդհանուր շուրջ 1 տրիլիոն 638.9 միլիարդ դրամ հարկ և վճար։