Շիրակի մարզի Ամասիայի միջնակարգ դպրոցի հանրային սննդի օբյեկտի արտադրական գործունեությունը կասեցվել է սանիտարահիգիենիկ պահանջների խախտումների պատճառով։ Այս մասին հայտնում է Սննդամթերքի անվտանգության տեսչական մարմինը (ՍԱՏՄ)։
Տեսչական մարմնի իրականացրած ստուգման ընթացքում պարզվել է, որ դպրոցի սննդի օբյեկտի հատակի որոշ հատվածներում սալիկները կոտրված են եղել, պատերը չեն ունեցել հարթ մակերես և պատշաճ չեն պահպանվել։ Պատերին հայտնաբերվել է նաև բորբոս, ինչը խոչընդոտել է տարածքի պատշաճ մաքրմանն ու ախտահանմանը։
Բացի այդ, առաստաղը գտնվել է ոչ նորոգ վիճակում, ինչի հետևանքով չեն ապահովվել կեղտի կուտակման, բորբոսի առաջացման և մասնիկների թափվելու կանխարգելման պայմանները։
Պատմություններ
