ՈՒԵՖԱ-ի Ազգերի լիգայի 2026-27 թվականների մրցաշարի խմբային փուլում Հայաստանի ֆուտբոլի ազգային հավաքականի եզրափակիչ խաղը Ռիգայում Լատվիայի ընտրանու դեմ ավարտվեց գոլազուրկ ոչ-ոքիով։
Այս արդյունքով Հայաստանը 6 միավորով զբաղեցրեց C դիվիզիոնի 2-րդ խմբի 3-րդ հորիզոնականը և հաջորդ մրցաշարում ևս հանդես կգա նույն դիվիզիոնում։ Եղիշե Մելիքյանի սաները խմբային փուլում տոնեցին մեկ հաղթանակ, երեք խաղ ավարտեցին ոչ-ոքի և կրեցին երկու պարտություն։
Խմբում առաջին տեղը 16 միավորով զբաղեցրեց Չեռնոգորիան, երկրորդը Կիպրոսն է՝ 8 միավորով, իսկ աղյուսակը եզրափակում է Լատվիան՝ 2 միավորով։ Չեռնոգորիան հաջորդ մրցաշարում կխաղա ավելի բարձր՝ B դիվիզիոնում, իսկ Կիպրոսը պահպանում է B դիվիզիոն բարձրանալու հնարավորությունը՝ փլեյօֆում հաղթելու դեպքում։
Պատմություններ
