Գլխավոր Լրահոս

Հայաստանն ու Գերմանիան համաձայնեցրել են 2027-ի պաշտպանական համագործակցության ծրագիրը

Հայաստանն ու Գերմանիան համաձայնեցրել են 2027-ի պաշտպանական համագործակցության ծրագիրը

Հայաստանն ու Գերմանիան համաձայնեցրել են պաշտպանության ոլորտում 2027-ի համագործակցության ծրագիրը, որն ընդգրկում է մի շարք նոր ոլորտներին վերաբերող միջոցառումներ։ Այս մասին հայտնում է Հայաստանի պաշտպանության նախարարությունը։

Նոյեմբերի 16-ին Բեռլինում տեղի են ունեցել Հայաստան-Գերմանիա երկկողմ պաշտպանական խորհրդակցությունները, որոնց ընթացքում ամփոփվել են 2026-ի ընթացքում պաշտպանության ոլորտում համագործակցության ուղղությամբ կատարված աշխատանքները։

ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանը գործընկերներին ներկայացրել է Հայաստանի զինված ուժերի կերպափոխման ընթացքը։

Երկու երկրների պաշտպանական գերատեսչությունների պատվիրակություններն իրենց պատրաստակամությունն են հայտնել շարունակելու աշխատանքները համագործակցության ընդլայնման և խորացման ուղղությամբ։

Հաջորդ երկկողմ պաշտպանական խորհրդակցությունները տեղի կունենան Երևանում։

Հայաստանի և Գերմանիայի նախորդ պաշտպանական խորհրդակցություններն անցկացվել էին 2025-ի հոկտեմբերի 28-29-ին Երևանում՝ Լևոն Այվազյանի և Գերմանիայի պաշտպանության նախարարության միջազգային համագործակցության վարչության պետ, գնդապետ Քրիստիան Շմիտի համանախագահությամբ։ Այդ ժամանակ կողմերն ամփոփել էին 2025-ի համագործակցության արդյունքները, համաձայնեցրել 2026-ի ծրագրերը և պայմանավորվածություններ ձեռք բերել պաշտպանության ոլորտում համագործակցությունը մի շարք ուղղություններով ընդլայնելու վերաբերյալ։

2025-ի դեկտեմբերի 9-ին Հայաստանի վարչապետ Նիկոլ Փաշինյանը և Գերմանիայի կանցլեր Ֆրիդրիխ Մերցը Բեռլինում ստորագրել էին երկկողմ գործընկերության ռազմավարական օրակարգի վերաբերյալ համատեղ հռչակագիր։ Փաստաթուղթը նախատեսում է համագործակցություն նաև անվտանգության և պաշտպանության ոլորտներում, այդ թվում՝ անվտանգության հարցերով երկխոսություն, բարեփոխումների ոլորտում համագործակցություն և փորձի փոխանակում։

2026-ի հունիսի 17-ին Գերմանիայի դաշնային կառավարությունը Հայաստանի պաշտպանության նախարարությանն էր փոխանցել 16 ձյունագնաց՝ զինված ուժերի տեխնիկական միջոցների արդիականացման և կարողությունների զարգացման նպատակով։ ՊՆ-ի համաձայն՝ դրանք նախատեսված են բարձր լեռնային պայմաններում անձնակազմի և փոքրածավալ, թեթև բեռների փոխադրման համար։

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում