Գլխավոր Լրահոս

Հակամրցակցային համաձայնության համար կապի երեք խոշոր օպերատոր տուգանվել է 87,5 մլն դրամով

Հակամրցակցային համաձայնության համար կապի երեք խոշոր օպերատոր տուգանվել է 87,5 մլն դրամով

Մրցակցության և սպառողների շահերի պաշտպանության հանձնաժողովը (ՄՍՇՊՀ) ընդհանուր շուրջ 87,5 միլիոն դրամով տուգանել է Հայաստանի էլեկտրոնային հաղորդակցության շուկայի երեք խոշոր օպերատորների՝ «Վիվա Արմենիա», «Յուքոմ» և «Տելեկոմ Արմենիա» ընկերություններին՝ հակամրցակցային համաձայնության համար։

Հանձնաժողովի իրականացրած վարույթով պարզվել է, որ երեք օպերատորները գրեթե միաժամանակ վերանայել են «Թել Սել», «Իզի Փեյ», «Իդրամ» և «Ֆասթ Շիֆթ» վճարահաշվարկային կազմակերպությունների հետ համագործակցության պայմանները՝ ներկայացնելով նույնանման առաջարկներ և պահանջելով նվազեցնել միջնորդավճարները։

Նոր սակագների շուրջ համաձայնության չգալով՝ օպերատորները միակողմանիորեն դադարեցրել են այդ կազմակերպությունների հետ գործող պայմանագրերը։

Ըստ ՄՍՇՊՀ-ի՝ օպերատորների գործողությունների նպատակը եղել է իրենց հետ փոխկապակցված վճարային համակարգերի՝ «Մոբիդրամի», «Յուփեյի» և «Թիմ Փեյի» առաջմղումը։

Հանձնաժողովի տվյալներով՝ պայմանագրերի լուծումից անմիջապես հետո կտրուկ աճել են օպերատորների սեփական վճարային հավելվածների ներբեռնումները, հաճախորդների թիվը և դրանցով իրականացվող վճարային հոսքերը։ Այդ ցուցանիշները նվազել են միայն հանձնաժողովի միջամտությունից՝ միջանկյալ միջոցի կիրառումից հետո։

2026-ի փետրվարի սկզբին «Իդրամ», «Թել Սել», «Իզի Փեյ» և «Ֆասթ Շիֆթ» վճարային համակարգերով դադարեցվել էր երեք օպերատորների կապի ծառայությունների դիմաց վճարումներ կատարելու հնարավորությունը։

Մրցակցության և սպառողների շահերի պաշտպանության հանձնաժողովը հարուցված վարույթի շրջանակում միջանկյալ միջոց էր կիրառել երեք ընկերությունների նկատմամբ՝ պարտավորեցնելով վերականգնել վճարումների հնարավորությունը։

Մարտի 4-ին հանձնաժողովը հայտնել էր, որ օպերատորները պետք է ապահովեն բջջային կապի, ինտերնետի և հեռահաղորդակցության այլ ծառայությունների դիմաց վճարումները նշված կազմակերպությունների տերմինալներով, մասնաճյուղերով, էլեկտրոնային դրամապանակներով և հավելվածներով՝ շարունակելով կիրառել ֆիքսված չափի միջնորդավճարներ։

Այդ միջամտությունից հետո սպառողները կրկին հնարավորություն էին ստացել օգտվելու վճարային համակարգերից։

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում