iPhone 5S-ը կունենա թարմացված պրոցեսոր և տեսախցիկ

Ամերիկյան Apple տեխնոլոգիական ընկերության iPhone 5S սմարթֆոնը, որի շնորհանդեսը նախատեսված է 2013թ. ամռանը, կստանա թարմացված պրոցեսոր և ավելի որակյալ տեսախցիկ, հաղորդում է Cnet-ը` վկայակոչելով DigiTimes-ը: Ոչ պաշտոնական տվյալների համաձայն` iPhone 5S-ի բաղադրիչների մատակարարման գործընթացը կմեկնարկի 2013թ. մայիսին և կներկայացվի ընթացիկ տարվա 3-րդ եռամսյակում: Հատկանշական է, որ բացառությամբ iPhone 5-ի, որը թողարկվել է 2012թ. սեպտեմբերին, նախորդ մյուս սերունդները` iPhone 4-ը, 3GS-ը և 3G-ն վաճառքի են հանվել տարբեր տարիների հուլիսին: Նույն աղբյուրների հաղորդմամբ` Apple-ը ծրագրում է մինչ տարեվերջ վաճառել մոտ 45 մլն iPhone 5S և ևս 30 մլն օրինակ` 2014թ. 1-ին եռամսյակում: