Ստեղծվել է թվիթների կեղծման ծառայություն

Twitter միկրոբլոգների ցանցի օգտատերերից շատերը մինչև այժմ նախնտրում էին էկրանից լուսանկարել սկանդալային գրառումները` մտավախություն ունենալով, որ դրանք կարող են հեռացվել ցանցից: Ավելի ուշ այդ նկարները տարածվում էին համացանցում: Սակայն այժմ Lemme Tweet That For You կայքը հնարավորություն է տալիս ցանկացած օգտատիրոջ անձնական էջից մի քանի վայրկյանում կեղծ թվիթ ստեղծել, հաղորդում է Verge-ը: Ռեսուրսն իրենից ներկայացնում է պարզ ձևաչափ, որում հնարավոր է գրանցել ցանկացած տեքստ (առանց սիմվոլների սահմանափակման), ընտրել անհրաժեշտ քանակությամբ ռեթվիթներ և այլ գործողություններ և վերջապես` գրանցել օգտահաշվի հասցեն` այն մարդու անունը, որի անունից մարդը ցանկանում է հրապարակել հայտարարությունը: Համակարգն ավտոմատ բեռնում է նշված օգտատիրոջ անունը, ավատարն ու ֆոնը, որից հետո հարկավոր է միայն սքրինշոթ կատարել և սկսել տարածել այն: Նշենք, որ ծառայությունը մի քանի տարի առաջ ստեղծվել է OKFocus մարքետինգային ընկերության կողմից, սակայն առանձնահատուկ ուշադրության է արժանացել միայն վերջերս` մասնավորապես` վերջին օրերի ընթացքում: Ի դեպ` եթե ուշադիր դիտենք կեղծ թվիթները, հնարավոր է տարբերել դրանք օրիգինալ գրառումից: Բանն այն է,  որ ռեսուրսը չի թարմացվում, մինչդեռ Twitter-ի դիզայնն այս ընթացքում հասցրել է փոխվել: