Evernote թարմացվել է Android-ի համար

Տվյալների պահպանման Evernote ծառայությունը թարմացրել է իր բջջային ծրագիրը Android օպերացիոն համակարգի համար, հաղորդում է Cnet-ը: Նոր ծրագիրը ստացել է փոփոխված օգտատիրական ինտերֆեյս (միջերես) և մենյու: Բարելավել են այնպիսի համակարգեր, ինչպիսիք են տեսախցիկի հետ աշխատող, լուսանկարների կառավարումն և տվյալների բազայում որոնումը համակարգող բաժինները: Մասնավորապես` ներկայում հնարավոր է կատարել մուլտինկարահանում: Այն իրենից ներկայացնում է մի քանի լուսանկարների շարք, որից օգտատերը կարող է ընտրել լավագույնը: Նոր գործառույթների շարքում է նաև պիտակավորումը, որի օգնությամբ օգտատերը կարող է ստեղծել պիտակներ` հաճախ օգտագործվող հասցեներին արագ անցնելու համար: Նշենք, որ նոր գործառույթներից շատերը, որոնք հասանելի են Android տարբերակի համար, անցած տարվա նոյեմբերին ներկայացվել են Evernote-ի` iOS-ի համար նախատեսված տարբերակում: