Galaxy S IV-ը նախնական պատվերների ռեկորդ է սահմանել

Էլեկտրատեխնիկա արտադրող հարավկորեական Samsung Electronics ընկերությունն իր նոր` Galaxy S IV սմարթֆոնների նախնական պատվերների թվով ռեկորդ է սահմանել, հաղորդում է Mashable-ը: Galaxy S IV ձեռք բերել ցանկացողների ընդհանուր թիվը, որը գրանցվել է նախնական պատվերների ընդունման առաջին շաբաթում, 6 անգամ գերազանցել է Samsung Galaxy S III-ի համապատասխան ցուցանիշը: Հիշեցնենք, որ Samsung Galaxy S IV-ը պաշտոնապես ներկայացվել է ընթացիկ տարվա մարտի 15-ին Նյու Յորքում: