Lenovo-ն բջջային պրոցեսորներ կթողարկի

Համակարգիչներ արտադրող չինական Lenovo ընկերությունն իր բջջային սարքավորումների համար կնախագծի և կթողարկի սեփական պրոցեսորները: Ինչպես հաղորդում է EE Times-ը, դրանց թողարկման հստակ ժամկետների մասին տվյալներ դեռ չեն հաղորդվում: Նշենք, որ ընկերությունն արդեն ունի ինտեգրալ սխեմաների մշակման համար նախատեսված ստորաբաժանում, որում աշխատում է 10 մասնագետ, սակայն ընկերությունը մտադիր է մինչև 2013թ. կեսերը աշխատակիցների թիվը հասցնել 100-ի: Android Community բլոգում նշվում է, որ Lenovo-ի այս քայլը պայմանավորված է հարավկորական Samsung-ի հետ ունեցած խնդիրներով: Վերջինս Lenovo-ին Exynos չիպեր է մատակարարում: Նշենք, որ ներկայում Lenovo-ի սմարթֆոնների և պլանշետների պրոցեսորները արտադրում են MediaTek, Samsung և Qualcomm ընկերությունները: