Google-ը կթողարկի Androidbook

Google տեխնոլոգիական ընկերությունը շատ կարճ ժամանակահատվածում հասցրել է բջջային սարքավորումների շուկայում առաջատար դիրքեր զբաղեցնել: DigiTimes-ի հաղորդմամբ` ընկերությունը կարող է իր ուշադրությունն ավելացնել նոութբուքների շուկայի նկատմամբ` 2013թ. ընթացքում թողարկելով Android օպերացիոն համակարգով աշխատող նոութբուքներ: Նոր սերնդի նոութբուքը կդասվի Androidbook անվանումով նոր կատեգորիայի սարքավորումների շարքին: Ինսայդերների տեղեկությունների համաձայն` Google-ը կշարունակի զարգացնել Chromebook Pixel նոութբուքների շարքը: Ակնկալվում է, որ նոր սերնդի նոութբուքը կներկայացվի ընթացիկ տարվա 3-րդ եռամսյակում, իսկ նրա արժեքը կհամապատասխանի Chromebook Pixel նոութբուքի արժեքին` $1,4 հազ.: Նոր սարքավորման տեխնիկական բնութագրիչները դեռ չեն հաղորդվում: