Apple-ը կթողարկի հիբրիդային նոութբուք

Ամերիկյան Apple տեխնոլոգիական ընկերությունը հիբրիդային նոութբուք է պատրաստում: Ինչպես հաղորդում է Business Insider-ը, համանման սարքավորումները շուկայում հայտնի են որպես տրանսֆորմերներ: Դրանք հնարավորություն են տալիս մի քանի վայրկյանում նոութբուքը վերածել պլանշետի: Ի տարբերություն ժամանակակից տրանսֆորմերների մեծ մասինշ` Apple տրանսֆորմերի ստեղնաշարը հիմնված է մագնիսների վրա և հեշտությամբ անջատվում է համակարգչից: Երբ օգտագործողն առանձնացնում է էկրանն ու հեռանում մեկ այլ վայր, ապա մինչ անջատման պահն օգտագործված տեղեկատվությունը պահվում է ստեղնաշարով հատվածում, սակայն այն կարելի է զուգահեռաբար օգտագործել: Ակնկալվում է, որ Apple-ը կներկայացնի սարքավորման երկու տարբերակ` անլար կապի հատուկ չիպով և տվյալների փոխանակման այլ ծառայություններով օգտագործվող, օրինակ` Bluetooth-ով և WiFi-ով: Առանձնացված վիճակում գտնվող էկրանը հնարավոր կլինի օգտագործել նաև թվային տեսախցիկների և սմարթֆոնների տվյալների պատկերման համար: Վերջին առանձնահատկությունն այն է, որ համակարգչի բազային մասը պլանշետային հատվածը կկարողանա լիցքավորել` առանց լարերի օգտագործման: Փորձագետները նշում են, որ նման սարքավորման թողարկման համար անհրաժեշտ է տարիների աշխատանք: