Նախագծվել է մեխանիկականից չտարբերվող սենսորային բարակ ստեղնաշար

Ամերիկյան Strategic Polymers Sciences ընկերությունը նախագծել է սենսորային բարակ ստեղնաշար, որի հետ աշխատելիս օգտագործողը ստանում է նույն զգացողությունները, ինչ մեխանիկական ստեղնաշարի դեպքում, հաղորդում է Technology Review-ն: Ստեղնաշարը պատրաստված է ճկվող և թափանցիկ պոլիմերից, որը հնարավորություն է տալիս այն օգտագործել սենսորային էկրանների կազմում: Ծրագրային մշակման մասնագետների խոսքով` Strategic Polymers ստեղնաշարն արագ վիբրացիայի հաշվին կարողանում է ձայնային տատանումներ ստեղծել, ինչն էլ թույլ է տալիս «կտկտոցի» ձայներ արտադրել: Նշենք, որ Strategic Polymers ընկերության գլխավոր տնօրեն Քրիստոֆեր Ռամշեյնի խոսքով` Փենսիլվանիայում գտնվող սեփական գործարանում իրենք մտադիր են ստեղնաշարեր թողարկել, որոնք 2014թ. կմատակարարվեն էլեկտրատեխնիկա արտադրող ընկերություններին: