Acer-ը կթողարկի հիբրիդային Aspire P3 ուլտրաբուքը

Չինական Acer տեխնոլոգիական ընկերությունը մոտ ապագայում կներկայացնի Aspire P3 հիբրիդային համակարգիչը, որը կաշխատի Windows 8 օպերացիոն համակարգով, հաղորդում Cnet-ը: Նշվում է, որ Aspire P3-ը հնարավոր է օգտագործել և´ որպես ստեղնաշարով ուլտրաբուք, և´ որպես սենսորային կառավարմամբ պլանշետ: Սարքավորման հիմքը կկազմի Intel Ivy Bridge հարթակը: Ընկերությունը կառաջարկի ուլտրաբուքի երկու տեսակ` Celeron էներգաէֆեկտիվ չիպով, ինչպես նաև երրորդ սերնդի Pentium և Core i5 պրոցեսորներով: Ուլտրաբուքը կունենա 11,6-դյույմանոց էկրան և 32-ից մինչև 128 Գբ հիշողություններով ֆլեշ կուտակիչներ: Նշենք, որ  Aspire P3 ուլտրաբուքի տեխնիկական մյուս բնութագրիչները չեն հաղորդվում: Ակնկալվում է, որ այն կներկայացվի առաջիկա շաբաթներին: