Թուրքիայի փոխվարչապետը կրկին առաջ է քաշում պատմաբանների հանձնաժողովի գաղափարը
Civilnet
Ֆրանսիայում գտնվող` Թուրքիայի փոխվարչապետ Բյուլենթ Արընչը ֆրանսիական France 24 հեռուստաընկերությանը տված հարցազրույցում անդրադարձել է Հայոց Ցեղասպանության ճանաչման խնդրին` նշելով, որ հայկական պնդումներն այս կապակցությամբ անհիմն են:
Նա ասել է, որ խնդիրը ոչ թե քաղաքական գործիչներինն է, այլ պատմաբաններինը, և որ թուրքական արխիվները մինչև վերջ բաց են ուսումնասիրողների համար: Արընչի խոսքով` Թուրքիան առաջարկել է պատմաբանների հանձնաժողով ստեղծել, մինչդեռ Հայաստանը դեռ չի պատասխանել:
Ավելի վաղ Բյուլեն Արընչըն անդրադարձել է Ֆրանսիայի սենատում Հայոց ցեղասպանության ժխտումը քրեորեն պատժող օրինագծի գաղափարին: Ֆրանսիայի թուրքական կազմակերպությունների հետ հանդիպմանը Թուրքիայի փոխվարչապետը հայտարարել էր, թե Թուրքիան ցեղասպանություն չի իրականացրել:
«Հնարավոր է, որ Անատոլիայի որոշ վայրերում ողբերգական իրադարձություններ են եղել, սակայն դրանից տուժել են ոչ միայն հայերը, այլև թուրքերը: Թուրքիայի համար 1915թ. վերաբերյալ օրինագիծն անընդունելի է»,- ասել էր նա:
Պատմություններ
