Հաքերը կոտրել է Google Glass-ի համակարգը

iOS սարքավորումների համար նախատեսված բջջային ծրագրերի այլընտրանքային` Cydia խանութի հիմնադիր Ջեյ Ֆրիմենը հաղորդել է, որ իրեն հաջողվել է կոտրել Google Glass ակնոցում տեղադրված Android օպերացիոն համակարգը և ստանալ վերջինիս ամբողջական մատչումը, հաղորդում է Forbes-ը: Ֆրիմենի խոսքով` ինքն օգտվել է Android 4.0.4 օպերացիոն համակարգում առկա խոցելիության հանգամանքից: Հատկանշական է, որ Google Glass-ի վրա հարձակումն «անօգուտ էր», քանի որ համակարգի հիմնական մատչումը ձեռք բերելը հնարավորություն չի տալիս որևէ նոր գործողություն իրականացնել սարքավորման ներսում, քանի որ նրա հնարավորությունները սահմանափակ են: Հաքերն իր ունակությունները փորձարկել է Explorer Edition սարքավորման վրա, որը նախատեսված է ծրագրային մշակման մասնագետների համար: Հայտնի չէ, թե Ֆրիմենի` համակարգը կոտրելու մեթոդները կաշխատեն արդյոք Google Glass-ի կոմերցիոն տարբերակի դեպքում, որը Google-ը ծրագրում է թողարկել  2014թ.: