Civilnet
Կանաչի կտրտելն ու բողոքելը հեշտ է, ուզում ես գործ անել, մի կուսակցություն մտիր ու գործ արա. Ազատության հրապարակում ամուսնու՝ լուսահոգի Յուրի Բախշյանի հետ իր զրույցը պատմեց Անահիտ Բախշյանը: «Դրանից հետո տեղի ունեցավ հոկտեմբերի 27-ի սահմռկեցուցիչ ոճիրը»,- ասաց նա՝ նշելով, որ այդ հանցագործության հետ իր բազմաթիվ հարցերը պատասխան չեն ստացել մինչ օրս: ԱԺ-ում տեղի ունեցած ահաբեկչական հարձակմանը զոհ է գնացել նաև Անահիտ Բախշյանի ամուսինը, ով պատգամավոր էր, և դեպքից որոշ ժամանակ անց նա, հիշելով ամուսնու խոսքը, նա որոշել է մտնել որևէ կուսակցություն ու քաղաքական պայքար ծավալել: Անահիտ Բախշյանն, իր խոսքով, տեսել է, որ այն քաղաքական ուժը, որի շրջանակում գործում էր ամուսինը, հեռանում է իր հայտարարած գաղափարական ուղուց, և որոշել է մտնել «Ժառանգություն» կուսակցություն:
«Այսպես չի կարող շարունակվել, ես մինչև կյանքիս վերջ հավատարիմ եմ մնալու իմ Յուրայի գաղափարներին, հավատարիմ եմ մնալու այս հրապարակում իմ տված երդմանը...,- Անահիտ Բախշյանի աչքերն արցունքով լցվեցին, և նա շարունակեց հուզմունքից դողացող ձայնով,- մայիսի 5-ի ընտրությունները լինելու են բացառիկ մրցակցային: Ես հավատում եմ, որ «Բարև Երևան» դաշինքը, համագործացելով մյուս ընդդիմադիր ուժերի հետ, վերականգնելու է մեր քաղաքացիների հավատը սեփական քվեները պահապնելու նկատմամբ»,- նշեց նա:
Նա ամփոփեց՝ փաստելով. «Մեր ներկայությամբ պարտավոր ենք փոխել Երևանի քաղաքպետարանի փակ գործունեությունը»:
Լուսանկարը՝ «Փաստինֆո»-ի
Պատմություններ
