Civilnet
Հավատացեք, սա այն դաշինքն է, որ ազնվորեն գնում է իշխանափոխության. Ազատության հրապարակում «Բարև Երևան» դաշինքի նախընտրական հանրահավաքին հարթակից ասաց ԱԺ «Ժառանգություն» խմբակցության քարտուղար Ռուբեն Հակոբյանը:
«Նահանջի հնարավորությունը սպառվել է: Երբ այսօր անհատներին են կարևորում, դա սխալ է: Այսօր կարևորն այն է, որ իշխանության մենաշնորհը քանդենք, ջարդենք:
Եթե այս հրապարակը լեզու ունենար, ապա կասեր, որ մենք քանակի խնդիր չենք ունեցել: Մենք երբեք չենք տառապել քանակ լցնելով, այլ միայն՝ որակով:
Վստահ եմ, որ այն մարդիկ, ովքեր տանը կայքերով են մեզ լսում, կամ հովին կանգնած կամ տան պատշգամբներից, գիտակցում են, որ այստեղ Րաֆֆի Հովհաննիսյանին սատարելու խնդիրը չէ, այլ՝ խղճի մտոք քվեատուփին մոտենալու խնդիրն է: Խնդիր է դրված. գիտակցորեն պաշտպանել իրենց ապագան, իրենց արժանապատվությունը»,- նշեց նա:
Պատմություններ
