Apple-ի iOS 7-ը կունենա «գերհարթ» ինտերֆեյս

Հայտնի են դարձել ամերիկյան Apple տեխնոլոգիական ընկերության կողմից ապագայում թողարկվելիք iOS 7 ծրագրային հարթակի նոր մանրամասները, հաղորդում է Verge-ը: Նոր հարթակի աշխատանքները համակարգում է ընկերության գլխավոր դիզայներ Ջոնի Այվը: Նշվում է, որ նոր օպերացիոն հարթակը զգալիորեն կտարբերվի մյուսներից: Մասնավորապես` iOS 7-ի ծրագրային մշակման մասնագետները ձգտում են նոր հարթակի ինտերֆեյսում (միջերես) ներդնել տեղեկատվության ստացման արագության նոր հնարավորություններ` զուգահեռաբար ապահովելով համակարգի մատչելի օգտագործման հնարավորությունը սկսնակների համար: Հատկանշական է, որ iOS 7-ում օգտագործողի ինտերֆեյսը կլինի «գերհարթ», ինչպես Windows Phone-ի ինտերֆեյսի դեպքում է: