Civilnet
ՀՀ ընտրական օրենսգրքի 11-րդ հոդվածի 2-րդ մասի համաձայն` ՀՀ ոստիկանությունը համացանցում տեղադրել է Երևան քաղաքի ընտրողների ցուցակը (www.police.am կայքի Ընտրողների ցուցակ բաժնում ընտրողների, ինչպես և ընտրատեղամասային կենտրոնների ցուցակները զետեղված են ներբեռնելու հնարավորությամբ):
Ընտրողների վերջնական թիվը 816475 է, որից շուրջ 3000-ը ՀՀ քաղաքացիություն չունեցող և ընտրելու իրավունք ունեցող անձինք են:
ՀՀ քաղաքացիություն չունեցող անձինք ՀՀ նախագահի ընտրությունների ժամանակ ընտրելու իրավունք չեն ունեցել:
ՀՀ նախագահի 2013թ. փետրվարի 18-ի ընտրությունների ժամանակ Երևան քաղաքի ընտրողների թիվը կազմել է 813502, որից 810 925 ընտրող ընդգրկված է եղել հիմնական ցուցակում, 2577 ընտրող` լրացուցիչ ցուցակներում:
Այսպիսով, Երևան քաղաքի ՀՀ քաղաքացի հանդիսացող ընտրողների թիվը ՀՀ նախագահի ընտրություններից հետո չի աճել, իսկ 26.03.2013թ. հրապարակված Երևան քաղաքի ընտրողների թվի համեմատ (817814) ընտրողների վերջնական թիվը նվազել է 1339-ով:
Պատմություններ
