Instagram-ը թույլ կտա լուսանկարների վրա նշել ընկերներին

Լուսանկարների անվճար փոխանակման Instagram ծառայությունը «Ինձ հետ կատարված լուսանկարներ» էջում նոր բաժին է գործարկել, որի օգնությամբ լուսանկարների վրա կարելի է նշել ինչպես օգտատերերին, այնպես էլ բրենդերը, հաղորդում է TechCrunch-ը: Մինչ այժմ Instagram-ի լուսանկարներում այլ օգտատերերի հնարավոր էր նշել միայն մեկնաբանությունների բաժնում նրանց հիշատակելու միջոցով` օգտագործելով @ սիմվոլը: Այսուհետ iOS և Android օպերացիոն համակարգերի համար նախատեսված` Instagram բջջային ծրագրի օգտատերերը լուսանկարների վրա հնարավորություն կունենան նշել իրենց ընկերներին, հանրահայտ մարդկանց, բրենդերը, գտնվելու վայրը, լուսանկարների կատարման վայրը և այլն: Ընդ որում` այն օգտատերը, որին նշել են տվյալ լուսանկարի վրա, այդ մասին ծանուցում կստանա, սակայն սա միայն այն դեպքում, եթե լուսանկարը «թաքցված չէ»: Ցանկության դեպքում օգտատերը կարող է այնպես համակարգել գործառույթները, որ յուրաքանչյուր լուսանկարի հրապարակման համար, որի վրա ինքը նշված է, անհրաժեշտ լինի իր հավանությունը: