Civilnet
Լուսանկարը՝ Ֆոտոլուրի:
Մայիսի 3-ին Երևանի ավագանու ընտրություններին մասնակցող «Բարև Երևան» դաշինքը, որը գլխավորում է «Ժառանգություն» կուսակցության անդամ Արմեն Մարտիրոսյանը, հայտարարել էր, որ հանցագործության մասին հաղորդում կներկայացնի ՀՀ դատախազություն և հատուկ քննչական ծառայություն՝ ընդդեմ «Բարգավաճ Հայաստան» կուսակցության խոսնակ, ԱԺ պատգամավոր Տիգրան Ուրիխանյանի, որը, ըստ «Բարև Երևան»-ի, ավելի վաղ լրագրողների հետ հանդիպմանը հարցադրում էր արել, թե ինչու տեղամասային հանձնաժողովներում «Ժառանգության» տեղերը լրացնում են ՀՀԿ անդամները:
Հատուկ քննչական ծառայություն իր դեմ ներկայացված դիմում-բողոքի վերաբերյալ ԳԱԼԱ Հ/Ը-ին պարզաբանումներ է տվել Տիգրան Ուրիխանյանը՝ նշելով որ վերջին օրերին իրենց կուսակցության հասցեին մեղադրանքներ են հնչեցվել, որոնց չեն պատասխանել, սակայն երբ հարցը ավելի է սրվել, և հայտարարություններն ավելի հաճախակի են դարձել, ինքը ստիպված է եղել հայտնել այդ տեղեկությունը: Իր հայտարարության վերաբերյալ Ուրիխանյանը հայտնել է, որ ունի բազմաթիվ ապացույցներ, որոնք անհրաժեշտության դեպքում կներկայացնի հասարակությանը:
Պատմություններ
