Համատարած գումար է բաժանվել. Ա. Մարտիրոսյան

«Բարև Երևան» դաշինքի ցուցակը գլխավորող Արմեն Մարտիրոսյանը Աջափնյակի թիվ 48 մանկապարտեզում տեղակայված 6/28 ընտրատեղամասում արդեն կատարել է իր քաղաքացիական պարտքը: 

Քվեարկությունից հետո Մարտիրոսյանը լրագրողներին ասել է, որ քվեարկել է այն ուժի օգտին, որը եկել է արմատապես փոխելու Երևանի կառավարման համակարգը: Արմեն Մարտիրոսյանը նշել է, որ երեկ երեկոյան խանութում և բենզալցակայանում իրեն տեղեկացրել են, որ մարդիկ երեկոյան առևտրի են գնացել հատկապես 20 հազար դրամանոցներով: «Արդեն պարզ է, թե այդ 20 հազարանոցները որտեղից են: Հենց խանութների աշխատողներն էին նշում, որ տարածքում գումար են բաժանել: Նորություն չենք հայտնում. համատարած գումար է բաժանվել», -ասել է Մարտիրոսյանը՝ խոստանալով վաղը հրապարակել  ուժերի անունները, ովքեր բաժանել են գումարը: