Մ․ Առաքելյանը քվեարկել է հանուն Երևանի ապագայի

Լուսանկարը՝ armenpress․am-ի

Երևանի ավագանու ընտրություններում «Առաքելություն» կուսակցության ցուցակը գլխավորող Մեսրոպ Առաքելյանը Նորքի 10/03 ընտրատեղամասում կատարել է իր քաղաքացիական պարտքը՝ ընտրության գալով ծնողների և կնոջ հետ։

Քվեարկությունից հետո լրագրողների հետ զրույցում նա ասել է, որ քվեարկել է հանուն Երևանի ապագայի։ «Բարձր տրամադրությամբ քվեարկել եմ հանուն Երևանի ապագայի և համոզված եմ, որ հանուն այդ ապագայի երևանցիներն այսօր իրենց առաջին առաքելությունը կկատարեն»,- նշել է Առաքելյանը։

Նա ասել է, որ ընտրական գործընթացում արձանագրված թերությունների, խախտումների և քարոզարշավի վերաբերյալ իր ընդհանուր դիրքորոշումը «Առաքելությունը» կներկայացնի ավելի ուշ՝ սպասելով ընտրությունների արդյունքներին՝ հավելելով, որ եթե ընթացքում ստեղծվի այնպիսի իրավիճակ, որ շտապ արձագանքման կարիք լինի, անպայման կարձագանքեն։