Նոր կա­ռա­վա­րու­թյուն՝ հին շար­ժի­չով

Հա­յաս­տա­նի իշ­խող Հան­րա­պե­տա­կան կու­սակ­ցու­թյու­նը մա­յի­սի 7-ին Սերժ Սարգս­յա­նի ղե­կա­վա­րու­թյամբ քննար­կեց կա­ռա­վա­րու­թյան նոր կազ­մի հար­ցը և ո­րո­շեց, որ Տիգ­րան Սարգս­յա­նի կա­ռա­վա­րու­թյու­նում չորս փո­փո­խու­թյուն է տե­ղի ու­նե­նա­լու: Ֆի­նանս­նե­րի նա­խա­րա­րի պաշ­տո­նում Վա­չե Գաբ­րիել­յա­նին կփո­խա­րի­նի կա­ռա­վա­րու­թյան աշ­խա­տա­կազ­մի ղե­կա­վար Դա­վիթ Սարգս­յա­նը, է­կո­նո­մի­կա­յի նա­խա­րա­րի պաշ­տո­նում Տիգ­րան Դավ­թյա­նին կփո­խա­րի­նի Վահ­րամ Ա­վա­նես­յա­նը (ո­րը 1998-1999 թթ. ե­ղել է տնտե­սա­կան և կա­ռուց­ված­քա­յին բա­րե­փո­խում­նե­րի նա­խա­րար), սպոր­տի և ե­րի­տա­սար­դու­թյան հար­ցե­րի ԲՀԿ-ա­կան նա­խա­րար Հ­րաչ­յա Ռոս­տոմ­յա­նին կփո­խա­րի­նի ծան­րա­մար­տի օ­լիմ­պիա­կան չեմ­պիոն Յու­րի Վար­դան­յա­նը: Կս­տեղծ­վի նոր նա­խա­րա­րու­թյուն՝ կա­ռա­վա­րու­թյան աշ­խա­տա­կազ­մի ղե­կա­վա­րու­թյուն, ո­րի հիմ­նա­կան նպա­տա­կը կլի­նի հա­մա­կար­գել փո­փո­խու­թյուն­նե­րը կա­ռա­վա­րու­թյու­նում: Այս պաշ­տո­նը կվստահ­վի ֆի­նանս­նե­րի նա­խա­րար Վա­չե Գաբ­րիել­յա­նին: Մ­նա­ցած նա­խա­րար­նե­րը, այդ թվում՝ փոխ­վար­չա­պետ Ար­մեն Գևորգ­յա­նը, կպահ­պա­նեն պաշ­տոն­նե­րը: ԲՀԿ-ի հետ պորտ­ֆել­նե­րի հարց չի քննարկ­վել: Է­կո­նո­մի­կա­յի ներ­կա­յիս նա­խա­րար Տիգ­րան Դավ­թյա­նը կնշա­նակ­վի Առևտրի հա­մաշ­խար­հա­յին կազ­մա­կեր­պու­թյու­նում Հա­յաս­տա­նի ներ­կա­յա­ցու­ցիչ:

Կա­ռա­վա­րու­թյան կազ­մի հաս­տատ­ման ա­ռու­մով Հան­րա­պե­տա­կան կու­սակ­ցու­թյու­նը կրկին ա­նակն­կալ չմա­տու­ցեց քա­ղա­քա­ցի­նե­րին: Այդ կազ­մը գրե­թե անն­շան փո­փո­խու­թյուն­նե­րով կամ փո­խա­տե­ղում­նե­րով հաս­տատ­վեց, իսկ կա­ռա­վա­րու­թյան հա­մա­կար­գում կա­տար­ված կա­ռուց­ված­քա­յին փո­փո­խու­թյու­նը, բնա­կա­նա­բար, գլո­բալ ազ­դե­ցու­թյուն չի կա­րող ո­ւնե­նալ կա­ռա­վա­րու­թյան վա­րած սո­ցիալ-տնտե­սա­կան քա­ղա­քա­կա­նու­թյան վրա: Գա­լիս է գո­տի­նե­րը ա­վե­լի պինդ ձգե­լու ժա­մա­նա­կաշր­ջան: Բա­րե­փո­խի­չի ի­մի­ջով հան­դես ե­կող վար­չա­պետ Տիգ­րան Սարգս­յա­նը նա­խորդ հինգ տա­րի­նե­րին ցույց է տվել, թե ինչ­պես կա­րե­լի է չպայ­քա­րել տնտե­սու­թյան հա­մա­կար­գա­յին ա­րատ­նե­րի դեմ և չ­տես­նել վե­րա­հաս ճգնա­ժա­մը և ինչ­պես կա­րե­լի է խթա­նել ար­տա­գաղ­թը, աղ­քա­տու­թյան ցու­ցա­նիշն ու ար­տա­քին պե­տա­կան պարտ­քը: Ա­ռա­ջի­կա­յում թերևս նո­րից ա­կա­նա­տես կլի­նենք մարդ­կանց կյան­քում չար­տա­հայտ­վող տնտե­սա­կան ա­ճի, վի­ճա­կագ­րա­կան թվե­րի մա­նի­պուլ­յա­ցիա­նե­րի ու չկա­տար­վող խոս­տում­նե­րի: