Anonymous-ը կոտրել է հյուսիսկորեական մի շարք կայքեր

Միջազգային հաքերային Anonymous խմբավորումը հայտարարել է հյուսիսկորեական մի շարք կայքերի վրա կատարված հարձակման մասին: Այս մասին հաղորդում է Mashable-ը` վկայակոչելով հաքերների` Twitter-ում կատարած գրառումները: Հաքերները վստահեցնում են, որ կոտրել են Հյուսիսային Կորեայի «Կորեայի ձայնը»  ռադիոկայանի կայքը և Կենտրոնական հեռագրական գործակալությունը: Anonymous-ը ծրագրում է նաև հունիսի 25-ին` 1950-1953 թթ. Կորեական պատերազմի տարելիցի օրը, մասշտաբային հարձակումներ իրականացնել հյուսիսկորեական կայքերի վրա: Նշենք, որ 2013թ. ապրիլին Anonymous-ը կոտրել էր նաև հարավկորեական մի շարք կայքեր: