Civilnet
«Բարև Երևան» դաշինքը Երևանի ավագանու ընտրությունների արդյունքներն անվավեր ճանաչելու հայցով վարչական դատարան կդիմի չորեքշաբթի օրը՝ մայիսի 15-ին: Այս մասին ՍիվիլՆեթի հետ զրույցում ասաց «Ժառանգություն» կուսակցության հատուկ ծրագրերի պատասխանատու Լուսինե Պետրոսյանը:
Նրա խոսքով` դիմումի նախապատրաստումը երկար ժամանակ կպահանջի, քանի որ ներկայացվելիք փաստաթղթերը ծավալուն են:
Միաժամանակ` Լուսինե Պետրոսյանը տեղեկացրեց, որ այսօր՝ մայիսի 13-ին, ինքը դիմել է վարչական դատարան` պահանջելով վերանայել Կենտրոնական ընտրական հանձնաժողովի որոշումը, ըստ որի` ընտրություններն անվավեր ճանաչելու պահանջով իր ներկայացրած դիմումն անվավեր էր ճանաչվել:
Հիշեցնենք, որ մայիսի 11-ի արտահերթ նիստի ընթացքում ԿԸՀ նախագահ Տիգրան Մուկուչյանը, կարդալով Լուսինե Պետրոսյանի դիմումը, նշել էր, որ նման դիմում կարող է ներկայացնել ոչ թե լիազոր ներկայացուցիչը, այլ դաշինքը կամ դրա կազմում ընդգրկված կուսակցությունները կամ էլ նրանց կողմից վերապահված անձը:
Լուսանկարը` Aravot.am-ի
Պատմություններ
