Amazon-ը կթողարկի 3D էկրանով սմարթֆոն

Համաշխարհային խոշորագույն Amazon.com Inc. օնլայն ռիթեյլերը մտադիր է թողարկել բջջային սարքավորումների նոր շարք, այդ թվում` երկու սմարթֆոն և աուդիոսարքավորում, հաղորդում է ամերիկյան Wall Street Journal-ը:

Նշվում է, որ այս քայլով ընկերությունը մտադիր է դուրս գալ պլանշետների համակարգիչների` Kindle շարքի թողարկման սահմաններից: Ակնկալվում է, որ Amazon-ը կթողարկի այնպիսի էկրանով սմարթֆոն, որը հնարավորություն կտա դիտել եռաչափ պատկերներ` առանց հատուկ ակնոցի օգտագործման: Այս սմարթֆոնում կկիրառվի նաև օգտագործողի աչքերի միջոցով կառավարման տեխնոլոգիան: Հիշեցնենք, որ նման տեխնոլոգիա կիրառվել է նաև Galaxy S4 սմարթֆոններում: